Itxaropenezko
etorkizun baten alde egiten dugu bidea.

Jesusen Lagundian, behartutako migrazioak gure lan apostolikoaren lehentasun globala dira duela hamarkada batzuetatik hona. Erantzun eta proposamen aniztasunaren artean, Ospitaletasuna sortuz joan zen eta elementu zentral eta transbertsal gisa aitortu zen, ez bakarrik jesuiten ekintzan, baita bereziki migranteen eta igarobideko zein helmugako komunitateen arteko elkarrekintzan ere. Europako eta Amerikako Konferentzietan abian jarritako Ospitaletasun-ekimenek gure ekintza hainbat aurpegi eta ikuspegirekin nola gauzatu erakutsi ziguten.

Migrazioen GIANaren esparruan, Jesuita Konferentzia guztiek hartzen dute parte eta ekintza bateratu baten ideia bultzatzen da. Azkenean, Ospitaletasunaren inguruko sentsibilizazio-ekintza global honi atea ireki diogu; izan ere, Ospitaletasunak gure Itxaropena indartzen du, eta bakerako bidea da.
Giza mugikortasunaren errealitatea fenomeno globala da. Horregatik, Ospitaletasun Bideak ekimeneko jarduerak munduko hainbat tokitan egiten dira, ospitaletasunaren oinarri diren senidetasunaren eta itxaropenaren erakusgarri.