Sendatzen duten bideak daude.

Aurten, HOSPITALIDAD.ES kanpainaren bidez, beren etxeak uztera behartutako pertsonekin egin nahi dugu bidea. Erakutsi nahi diegu prest eta konprometituta gaudela gure gizarteetan hartzeko eta haien alde lan egiteko, erabat integra daitezen bai gizartean, bai lan-merkatuan eta bai hezkuntzan.

 

Frans Van der Lugt jesuitaren lana dugu inspirazio-iturri. 45 urte baino gehiago bizi izan zen Sirian, eta ibilaldiak antolatzen zituen, kulturen eta erlijioen arteko elkargune gisa.

Aurrez, Europako zenbait herrialdetan egin dira ibilaldiak, eta orain iritsiko dira gurera. Hospitalidad kanpainak Euskadin, Nafarroan eta Katalunian izango du amaiera, eta Alemanian errefuxiatutako pertsonek hartuko dute parte. Pertsona horiek, bere garaian, Van der Lughtekin ibili ziren oinez Sirian. Ekainaren 20a Errefuxiatuen Nazioarteko Eguna dela eta, zein gizarte mota nahi dugun adierazten jarraituko dugu, hau da, migratzaileekin eta errefuxiatuekin elkarlanean aritu nahi duen gizartea izan nahi dugula, gure artean hartu eta haiekin batera bizi nahi duen gizartea.

Zerk bultzatzen gaitu bidera ateratzera?

Animatu zure hiriko errefuxiatuekin batera oinez ibiltzera, harrera-lurraldea izateko.

Gure ibilaldiekin bat egin nahi duzu?

Eman izena Euskadiko, Nafarroako
Eta Kataluniako gure ibilaldietan.

Egin bat beste lekuetako ibilaldiekin. Jarri harremanetan Daniel Martínezekin, helbide honetan: contacto@hospitalidad.es

Eman nahi duzu?

Ezin baduzu ibilaldietan parte hartu, Hospitalidad egitasmoarekin bat egin dezakezu haren berri emanez, sare sozialetan zure babesa eskainiz edo ekarpen txiki bat eginez.

Zure kasa ibili nahi al duzu oinez?

Zure kilometroek ere elkartasuna batzeko balio dute.

#ESKERRIKaskoETORTZEAGATIK

© Sergi Cámara

EGIN BAT #CAMINOSDEHOSPITALIDAD egitasmoarekin!

© Sergi Cámara

Zure parte-hartzea garrantzitsua da

Etorri oinez ibiltzera!

Hospitalidad kanpainako bideak martxan daude dagoeneko. Herrialde osoan, elkartasun-ekintzak ari dira antolatzen. Asko gara jendea hartzeko prest gaudenak. Martxan dauden ibilaldietako batean parte har dezakezu, edo, bestela, zeure egitasmoa antolatu.

Iaz, 30.131 sinadura entregatu genituen, Gobernuari eskatzeko lankidetzan aritzeko eta errefuxiatuak hartzeko. Mediterraneoa munduko mugarik hilgarriena da oraindik ere; Siriako gerraren zauriak odoletan jarraitzen du; eta munduko beste bazter batzuetako gatazkek ahaztuta jarraitzen dute. Horren aurrean, Europak bere ateak ixten ditu.

HOSPITALIDAD egitasmoan ez gara geldi geratzen, eta salatzen jarraitu nahi dugu, arduradun politikoei zure babes- eta elkartasun-kilometroak entregatuz.