Nazioarteko Lankidetza

Libanon milioi bat errefuxiatu siriar baino gehiago daude. Hori dela eta, erronka handi bati egin behar dio aurre: eskola-adinean dauden haur siriarren hezkuntza-eskubidea bermatzea (milioi erdi baino gehiago dira). Erronka horri aurre egiteko JRSri laguntza ematen diogu martxan dituen hezkuntza-programak gauzatzeko, herrialdeko zenbait lekutan: Bourj Hammoud, Jibeil eta Kfar Zabad.

Proiektu horren bidez, errefuxiatu siriarrei babesa ematen jarraitzea dugu xede. Horretarako, 1.440 haurren hezkuntza-eskubidea bermatuko dugu, Bekaa-ko bost ikastetxetan. Zonalde hori da, hain zuzen ere, errefuxiatu gehien dituena. Eskolak antolatzeaz eta emateaz gain, ikasle bakoitzari hau emango diogu: eskolara itzultzeko material sorta bat; gosaria, eskolaerrendimendu egokia izan dezaten; laguntza psikosoziala, gizarte-langileen bidez; eta higieneproduktu sorta bat.

ixti

2015ean, 862.000 errefuxiatu iritsi dira Europara babes bila, Mediterraneo itsasoa gurutzatuta. Munduko gatazka nagusienetatik ihesi etorri dira: Siria, Afganistan, Eritrea, Somalia, Nigeria eta Hegoaldeko Sudan. Egoera hori ikusirik, lehendik ere Europan errefuxiatuei laguntzeko lanetan zebilen JRS Europa erakundeak larrialdiko ekimen bat jarri du martxan, errefuxiatuek dituzten gero eta behar handiagoei erantzun ahal izateko; horretarako, Europako 13 herrialdetara zabaldu du bere jarduna, errefuxiatuei laguntzeko helduera herrialdeetan, iragaite-herrialdeetan eta azken helmuga-herrialdeetan.

Lankidetzaren arloari dagokionez, ahalegin gehienak JSR Hungarian egiten ari den esku-hartzean laguntza ematera bideratuko dira; bertan, hezkuntza-programa bat egingo dute, bakarrik dauden 50 adingaberi arreta emateko, errefuxiatuei gizarteratzen laguntzeko eta lege-aholkularitza emateko. Horrez gain, eskualdeko JSRren egiturari ere babesa emango diogu; hala, Europako proiektuen kalitatea are hobea izan dadila bermatu ahal izango dugu.

ixti

Kongoren ekialdean, 20 urte baino gehiago daramatzate gerran. Hori dela eta, hango pertsona askok herrialde mugakideetara, esaterako, Ugandara, egin dute ihes; beste batzuek, berriz, Europarako bide luzeari ekin diote. Alabaina, asko dira leku seguruago baten bila herrialde bereko beste toki batzuetara joan beste aukerarik ez dutenak. Masisi da Kongo ekialdean pertsona lekualdatu gehien dituen eskualdeetako bat; han, haurrak eta emakumeak dira kolektiborik ahulenak eta gatazkaren eraginik latzenak jasan dituztenak.

Entreculturas eta ALBOAN elkarteetako kideok luzaroan aritu gara eskualde horretako hezkuntza-baldintzak hobetzeko lanetan, lekualdatuek hezkuntza jasotzen dutela bermatzeko. Horren harira, honako ekintza hauek gauzatzen ditugu, besteak beste: ikasleei laguntzea, eskolara joan ahal izan daitezen eta bigarren hezkuntzako ziurtagiria lor dezaten; eskolako batzordeak sortzea; irakasleak prestatzea; material didaktikoa eta eskolako materiala banatzea; eskolaz kanpoko jarduerak sustatzea, ikasleen gaitasun psikosozialak garatzeko. Hezkuntza sustatzea herrialdean bakea sustatzea da.

ixti

Hegoaldeko Sudanek gatazka luzea bizi du; horrek 750.000 errefuxiatu eragin ditu, bai eta bi milioi pertsona lekualdatzera behartu ere. Beharrizan humanitarioak itzelak dira, eta laguntza oso astiro iristen da; izan ere, herrialde garatuen lehentasunak beste toki batzuetan daude.

JRSek hamar urte baino gehiago daramatza herrialde horretan lanean; gaur egun, elkartearen ekimen nagusietako bat Mabanen dago, Sudaneko mugan. JRSren lanaren helburua da zahurgarritasun-egoeran dauden pertsona horien ongizatea hobetzea; horretarako hezkuntza eta laguntza psikosoziala eman dizkiegu 15.000 errefuxiaturi, lekualdaturi eta harrera-komunitateetako familiari.

ixti

Jesusen Lagundiaren sektore soziala elkarlanean ari da Tangerreko elizbarrutiarekin Nadorren, Afrikako hainbat herrialdetatik Europako mugara iristen diren etorkinei laguntzeko. Etorkin horietako asko Nigeria, Kongo edo Malitik zein Afrikan gatazkak jotako beste herrialderen batetik datoz, egoerak behartuta.

Bertan egiten den lanak honako hauek hartzen ditu barne, besteak beste: oinarrizko osasun-laguntza, arreta iraunkorragoa zahurgarritasun-egoerarik larrienetan edota larrialdi-egoerei erantzutea, janaria, tapakiak edo arropa banatuz. Lan horretan, egitekorik garrantzitsuena etorkinei eta errefuxiatuei arreta hurbila ematea da.

ixti