Jesusen Lagundiaren Gizarte Sektoretik gogorarazi nahi dugu ez gaudela urruneko eta saihestezinezko errealitateen aurrean, baizik eta gizaterian irekitako zaurien aurrean, non hainbeste pertsonaren duintasuna etengabe ukatzen ari baita. Errealitate horiek izendatzea, sinplifikatu eta justifikatu gabe, lehen urratsa da axolagabetasunean ez erortzeko.
Testuinguru honetan, Leon XIV.a Aita Santuaren deia argi eta garbi entzuten da. Haren aitasantutza-aldiaren hasieratik, behin eta berriz esan du bilatzen dugun bakea ezin dela indarraren logikatik eraiki:
“Hau da Kristoren bake berpiztua, bake desarmatu eta armagabea, umila eta saiatua”.
Halaber esan du bake hori:
“ez da disuasioa, senidetasuna baizik; ez da ultimatuma, elkarrizketa baizik”.
Arduradun politikoentzako apelazioa da, baita interpelazio pertsonala ere. Benetako bakea armak isiltzean baitatza, baina baita bihotza eta bizitza komunari eusten dioten harremanak eraldatzean ere.
Hortik kokatu nahi dugu geure burua. Begirada sakonago bat izateko: eragiten uzten duen begirada, ulertzea bilatzen duena eta, pixkanaka, indarkeriarik eza ez ezik, justiziaren bide partekatua ere izango den bake baterantz egin daitezkeen urratsak aurkitzen dituena.
Izan ere, bakea —desarmatua eta armagabea— pertsona bakoitzaren sakonenean hasten da, eta erreal bihurtzen da lotura zaharberrituetan eta begirada munduaren sufrimendutik ez apartatzeko borondate iraunkorrean forma hartzen duenean. Fedetik sortzen den BAKEA da, eta, aldi berean, guztion onerako justizia eta konpromiso politikoa eskatzen duen BAKEA.
Bakea ez da horizonte abstraktu bat, eginkizun sakonki politiko bat baizik, terminoaren zentzurik zabalenean: bizitza komuna antolatzeko modu bat, giza duintasuna erdigunean jarriko duena. Gatazkaren kudeaketara mugatzen ez den bakerako politika, berau posible egiten duten baldintzez eta bazterrean geratzen diren bizitza zehatzez galdetzen da.
Gizarte Sektoretik eta hura osatzen dugun fundazio, erakunde eta gizarte-zentroetatik, BAKEA eraikitzera gonbidatzen dugu gure ekintza, eragiteko ekimen, sentsibilizazio, otoitz, komunitate-lan, nazioarteko lankidetza, laguntza humanitario edo esku-hartze sozial bakoitzetik.
Orrialde hau formatu bizi gisa plazaratu nahi izan dugu, gure erakundeetatik BAKEAREN eta indarkeriarik ezaren kultura sustatzeko, beste sare, kolektibo eta mugimendu batzuekin bat eginez, zeinekin inspirazioa eta justiziarekiko konpromisoa partekatzen baititugu.
Bakearen eta indarkeriarik ezaren kultura sustatzeko kreatibitateak, materialak eta ikusizko baliabideak.
© Pueblos Unidos
Bakea justiziatik, giza duintasunetik eta konpromiso kolektibotik pentsatzera gonbidatzen gaituzten adierazpen, gogoeta eta analisiak.
Begirada kritikoa, enpatikoa eta bizitzaren zaintzarekin konprometitua sustatzeko hezkuntza-proposamenak.
© Monteserín Fotografía
© Carmen Moreno
Gelditzeko, munduari errukitik begiratzeko eta sufrimenduaren aurrean itxaropenari eusteko espazioak.
Gure erakunde eta sare aliatuetatik laguntzen ditugun larrialdi humanitarioei buruzko informazioa eta baliabideak.
©JRS Líbano
