Este ano lamentablemente non podemos camiñar como nos gustaría. A pandemia que se estende polo mundo obríganos ante todo a sermos prudentes e coidar da saúde e do benestar de tod@s, con todo, non queremos deixar de camiñar de forma simbólica, acordándonos coma tódolos anos das persoas refuxiadas.

#SeguimosCamiñando
#SeguimosCaminando

A crise social e económica da Covid-19 ameaza con golpear especialmente as persoas en maior situación de vulnerabilidade, entre elas a poboación desprazada e refuxiada. É por iso que este ano queremos lembrarnos, en metade desta emerxencia., de todas aquelas persoas que foxen da violencia e a pobreza e que loitan por seguir adiante lonxe do seu fogar. Queremos pornos no seu lugar e tender pontes de solidariedade: o seu camiño é o noso camiño.

As Nosas Demandas

Esiximos aos representantes políticos medidas que garantan os dereitos humanos e a inclusión das persoas migrantes forzosas. Consulta o noso decálogo de propostas.

Colabora con Hospitalidad

Cunha pequena achega podes colaborar coa rede Hospitalidade, que o pasado ano acolleu residencialmente 460 persoas e acompañou a case 5.000 no seu camiño cara á integración social.

A pesar de todo, seguimos a camiñar, aínda que sexa de forma simbólica. Convidámosvos a compartir nas redes sociais unha foto das vosas zapatillas para camiñar e acompañala cunha mensaxe de solidariedade coas persoas migrantes e refuxiadas co cancelo #SeguimosCamiñando. Imaxes e mensaxes que constrúen máis hospitalidade nos complicados tempos de hoxe en día.

Sigamos camiñando xuntos

1) Elixe unha palabra (a que queiras) ou búscaa entre as nosas 10 PROPOSTAS.

2) Escríbea nas túas zapatillas ou nun papel:)

3) Feixe a foto e súbea ás nosas REDES (e ás túas) co hashtag #SeguimosCamiñando (#SeguimosCaminando). 

Serán imaxes para construír máis Hospitalidade nos tempos difíciles actuais. Grazas por compartir a túa mensaxe…