MIGRATZAILEAK GARA argazki-erakusketak Espainia zeharkatzen jarraitzen du, 20 argazkiren bidez agerian uzteko zer egoeratan dauden Mexikoren eta Estatu Batuen arteko mugako migratzaileak eta Espainiaren eta Marokoren arteko mugakoak.
‘Migratzaileak gara’ erakusketa Entreculturas-ek sustatua da, Errefuxiatuentzako Jesuiten Zerbitzuarekin batera, eta Mexikon du jatorria, non Mexikoko Errefuxiatuentzako Jesuiten Zerbitzua lan egiten ari baita migratzaileenganako elkartze- eta harrera-kultura eraikitzeko. Migratzaileek beren jatorriko herrialdeetatik libreki ateratzeko duten eskubidea defendatzen du Mexikoko Errefuxiatuentzako Jesuiten Zerbitzuak, eta migratzaileen giza eskubideak babesten ahalegintzen da, askotan urratzen baitituzte krimen antolatuak, polizia-indarrek, tokian tokiko gobernuek…
Argazki-erakusketak egindako ibilbidean zehar, Espainiaren eta Marokoren arteko mugaren irudiak gehitu ziren. Izan ere, Espainiako Migratzaileentzako Jesuiten Zerbitzuak migratzaileei eta errefuxiatuei laguntzen die bertan, bizia arriskuan jartzen baitute Europan segurtasuna aurkitzeko, baina Europaren erantzuna migrazioa kontrolatzeko oso politika murriztaileak dira. Europaren politikak eragindako etorkin guztiei tratamendu begirunetsua eta zuzena ematearen alde egiten du Espainiako Migratzaileentzako Jesuiten Zerbitzuak, eta nazioarteko, Europako eta Espainiako zuzenbidean finkatutako funtsezko eskubideak dituztela defendatzen du.
Erakusketak pertsona horiek beren bidaia luzeetan duten errealitatea hurbilarazten digu, eta gogorarazten digu migrazioa gutako bizitzetan egon dela eta dagoela presente, eta edozein herrialdetatik ateratzeko askatasuna pertsona guztien funtsezko eskubidea dela. Ezin dugu ahaztu: DENOK MIGRATZAILEAK gara.
Erakusketaren ibilbidea jarraitzeko, eta gehiago jakiteko irudien egileez eta proiektuez, bisitatu Migratzaileak gara.
Tu ayuda es fundamental para construir una cultura de solidaridad e inclusión con las personas refugiadas y migrantes.
A túa axuda é fundamental para construír unha cultura de solidariedade e inclusión coas persoas refuxiadas e migrantes.
La teva ajuda és fonamental per a construir una cultura de solidaritat i inclusió amb les persones refugiades i migrants.
Zure laguntza funtsezkoa da errefuxiatuekiko eta migratzaileekiko elkartasun- eta inklusio-kultura eraikitzeko.
Your help is essential to build a culture of solidarity and inclusion with refugees and migrants.