Desde o Sector Social da Compañía de Xesús queremos lembrar que non estamos ante realidades afastadas nin inevitables, senón ante feridas abertas na humanidade, onde a dignidade de tantas persoas está sendo negada de maneira continuada. Nomear estas realidades, sen simplificalas nin xustificalas, é un primeiro paso para non caer na indiferenza.
Neste contexto, a chamada do Papa León XIV resoa con especial claridade. Desde o inicio do seu pontificado, insistiu en que a paz que buscamos non pode construírse desde a lóxica da forza:
“Esta es la paz de Cristo resucitado, una paz desarmada y desarmante, humilde y perseverante”.
Una paz que —como también ha señalado—:
“no es disuasión, sino fraternidad; no es ultimátum, sino diálogo”.
Trátase dunha apelación ás persoas responsables políticas e tamén dunha interpelación persoal. Porque a paz verdadeira consiste en silenciar as armas, pero tamén en transformar o corazón e as relacións que sosteñen a vida común.
Desde aí queremos situarnos. Para dispoñernos a unha mirada máis fonda: unha mirada que se deixa afectar, que busca comprender e que, pouco a pouco, vai descubrindo que pasos son posibles cara a unha paz que non sexa só ausencia de violencia, senón camiño compartido de xustiza.
Porque a paz —desarmada e desarmante— comeza no máis fondo de cada persoa, e faise real cando toma forma en vínculos restaurados e nunha vontade perseverante de non apartar a mirada do sufrimento do mundo. Unha PAZ que brota da fe e ao mesmo tempo é unha PAZ que clama xustiza e compromiso político polo ben común.
A paz non é un horizonte abstracto, senón unha tarefa profundamente política no sentido máis amplo do termo: unha forma de organizar a vida común que poña no centro a dignidade humana. Unha política para a paz que non se limita á xestión do conflito, senón que se pregunta polas condicións que o fan posible e polas vidas concretas que quedan á marxe.
Desde Jesuitas Social e as fundacións, equipos e centros sociais que o conformamos convidamos a construír PAZ desde cada unha das nosas accións, iniciativas de incidencia, sensibilización, oración, traballo comunitario, cooperación internacional, axuda humanitaria ou intervención social.
Quixemos lanzar esta páxina como formato vivo para a promoción dunha cultura da PAZ e non violencia desde as nosas institucións e en alianza con outras redes, colectivos e movementos cos que compartimos inspiración e compromiso coa xustiza.
Creatividades, materiais e recursos visuais para promover unha cultura de paz e non violencia.
© Pueblos Unidos
Declaracións, reflexións e análises que nos convidan a pensar a paz desde a xustiza, a dignidade humana e o compromiso colectivo.
Propostas educativas para promover unha mirada crítica, empática e comprometida co coidado da vida.
© Monteserín Fotografía
© Carmen Moreno
Espazos para deternos, mirar o mundo desde a compaixón e soster a esperanza fronte ao sufrimento.
Información e recursos sobre as emerxencias humanitarias que acompañamos desde as nosas organizacións e redes aliadas.
©JRS Líbano
